මේ වනවිටත් පවතින වර්ෂාපතනය හේතුවෙන් දැදුරු ඔය ජලාශයේ වාන් දොරටු 8 අඩි 7 බැගින් විවෘත කර ඇති අතර ඉන් තත්පරයට ඝන අඩි 39243 ක ජල ධාරිතාවක් නිකුත් කරමින් පවති.

එබැවින් මෙම තත්වය ඉතාමත් අවධානම්කාරී බැවින් ඉදිරි පැය කිහිපය තුළ වාරියපොළ, නිකවැරැටිය,මහව කොබෙයිගනේ, රස්නායකපුර, බිංගිරිය, පල්ලම, ආරච්චිකට්ටුව, සහ හලාවත යන ප්‍රාදේශීය ලේකම් කොට්ඨාශවලට අයත් දැදුරු ඔය නිම්නයේ ඇතුළු පහත් බිම් ප්‍රදේශවලට ගංවතුර තත්ත්වයක් ඇතිවිය හැකි බවට අනතුරු ඇඟවීම් කර තිබේ.

මේ තත්ත්වය සම්බන්ධයෙන් දැඩි සැලකිල්ලෙන් කටයුතු කරන ලෙස එම ප්‍රදේශවල පදිංචි මහජනතාවට සහ ප්‍රදේශය හරහා ගමන් ගන්නා වාහන පදවන්නන්ට දිස්ත්‍රික් ලේකම් H. M. S. P. හේරත් මහතා දන්වා සිටි යි.

එමෙන්ම මේ පිළිබඳව අවශ්‍ය පියවර ගන්නා ලෙස වාරිමාර්ග අධ්‍යක්ෂවරයා කළමනාකරණ අංශවලින් ඉල්ලා සිටියි.