ඒ මහතා මේ බව පැවසූවේ එතුමාගේ සහ රාජ්ය පරිපාලන ස්වදේශ කටයුතු , පළාත් පාලන ලේකම් ගේ ප්රධානත්වයෙන් අද පුත්තලම නගර ශාලාවේ රාජ්ය නිලධාරින් සමඟ පැවති විශේෂ සාකච්ඡාවේ දී ය. තමන්ගේ විෂය ක්ෂේත්රය පිළිබඳව නිලධාරින් අධ්යනය කළ යුතු බවත් ඒ පිළිබඳව පුහුණුව ලැබිය යුතු බවත් ප්රශ්න එකතු කිරිම වෙනුවට ප්රශ්න අවසන් කිරීම රාජ්ය නිලධාරියාගේ අරමුණ විය යුතු බවත් මෙහිදී ඒ මහතා වැඩිදුරටත් පැවසීය.
පසුගිය වසරේ දි ගරු ජනාධිපති රනිල් වික්රමසිංහ මැතිතුමන්ගේ ඉන්දියානු සංචාරයේ දි රාජ්ය නිලධාරින් දහසකට ඉන්දියාවේ පුහුණු වැඩසටහන් සඳහා යොමු කිරිමට අවශ්ය කටයුතු සම්පාදනය කළ බව මෙහිදී අදහස් දක්වමින් රාජ්ය පරිපාලන ස්වදේශ කටයුතු , පළාත් පාලන ලේකම් ප්රදීප් යසරත්න මහතා පැවසී ය. එම අවස්ථාව නුදුරේ දී ශ්රි ලංකා පරිපාලන සේවය,ගණකාධිකාරි සේවය, ක්රමසම්පාදන සේවය,ග්රාම නිලධාරින් ඇතුළු නිර්මාණශිලී රාජ්ය නිලධාරින් ට ලැබෙනු ඇති බව ඒ මහතා කියා සිටියා.
මෙම විශේෂ සාකච්ඡාවේ දී විමධ්යගත අයවැය වැඩසටහන,ග්රාමීය මාර්ග සංවර්ධන වැඩසටහන,උරුමය වැඩසටහන, අස්වැසුම,ඉ.ග්රාම නිලධාරි ව්යාපෘතිය, සේවා පියස හා යටිතල පහසුකම් ගැටළු ඇතුළු දිස්ත්රික්කය තුළ පවතින සංවර්ධන අභියෝග පිළිබඳව විශේෂ අවධානයට ලක් කළේය.
ඒ අනුව රුපියල් මිලියන 459ක් විමධ්යගත අයවැය වැඩසටහන සඳහා පුත්තලම දිස්ත්රික්කයට වෙන්කර ඇත. අනුමැතිය සදහා ඉදිරිපත් කර ඇති යෝජනා සංඛ්යාව1153කි. ඉදිරිපත් කළ යෝජනාවල වටිනාකම රු.මි.384.045 වේ. දැනට අනුමත වී ඇති ව්යාපෘති සංඛ්යාව 968කි. අනුමත වී ඇති ව්යාපෘති වල වටිනාකම රු.මි.329.11වේ. ජනාධිපති ලේකම් කාර්යාලයෙන් මේ වන විට නිදහස් කර ඇති ප්රතිපාදන මුදල රු.මි.190.875 කි. මේ වන විට රු.මි.30.05ක ප්රතිපාදන මුදලක් ප්රාදේශීය ලේකම් කාර්යාල වෙත නිදහස් කර ඇත.
මෙම විශේෂ සාකච්ඡාව සඳහා අමාත්යාංශ අතිරේක ලේකම්(පාලන) සහ (සංවර්ධන) මහත්වරුන්,රෙජිස්ට්රාර් ජනරාල්තුමන්, අධ්යක්ෂ ජනරාල්තුමිය , දිස්ත්රික් ලේකම් එච්.එම්.එස්.පි.හේරත් මහතා, දිස්ත්රික් සැලසුම් අධ්යක්ෂතුමිය, සහකාර දිස්ත්රික් ලේකම්තුමිය, ප්රාදේශීය ලේකම්වරු, සහකාර ප්රාදේශීය ලේකම්වරු, සහකාර සැලසුම් අධ්යක්ෂවරු සහ පරිපාලන ග්රාමනිලධාරිවරු ඇතුළු පිරිස සහභාගීවූහ.
මෙම සාකච්ඡාවෙන් අනතුරුව රාජ්ය අමාත්යතුමන් සහ අමාත්යාංශ ලේකම්තුමන් දිස්ත්රික් ලේකම් කාර්යල පරිශ්රයේ සහ විවිධ අංශයන් හි නිරීක්ෂණ චාරිකාවක ද නිරත විය.
