ප්රබුදිකා එස් බණ්ඩාර මහත්මිය පුත්තලම දිස්ත්රික්කයේ අතිරේක දිස්ත්රික් ලේකම් (පාලන) තනතුරෙහි අද දින රාජකාරි ආරම්භ කළාය.
2006.03.01 දින ශ්රි ලංකා පරිපාලන සේවයට එක් වූ ප්රබුදිකා එස් බණ්ඩාර මහත්මිය ජාඇළ ප්රාදේශීය ලේකම් කාර්යාලයේ සහකාර ප්රාදේශීය ලේකම්වරිය ලෙස වෘත්තීය ජිවිතය ආරම්භ කර තිබේ.
අනතුරුව සෞඛ්ය අමාත්යාංශයේ අධ්යක්ෂ (ගොඩනැගිලි) , සහකාර කොමසාරිස් ගොවිජන සේවා ගම්පහ , කැලණිය ප්රාදේශීය ලේකම් කොට්ඨාශයේ ප්රාදේශීය ලේකම් සහ රෙජිස්ට්රාර් ජනරාල් දෙපාර්තමේන්තුවෙහි ජ්යෙෂ්ඨ නියෝජ්ය රෙජිස්ට්රාර් ජනරාල් යන තනතුරු හොබවා ඇත.
එමෙන්ම සංචාරක හා ඉඩම් අමාත්යාංශය ජ්යෙෂ්ඨ සහකාර ලේකම්(පාලන), එම අමාත්යාංශයේම අධ්යක්ෂ (ඉඩම් අත්පත්) සහ ජ්යෙෂ්ඨ සහකාර ලේකම් (ව්යාපෘති ) ලෙස රාජකාරි කිරීමෙන් අනතුරුව අතිරේක දිස්ත්රික් ලේකම් (පාලන) තනතුරට අද දින පුත්තලම දිස්ත්රික්කයට පැමිණියා.
ඇය වසර 18ක රාජ්ය සේවයේ අත්දැකිම් සපිරි ජ්යෙෂ්ඨ නිලධාරිනියෙකි.
ප්රබුදිකා එස් බණ්ඩාර මහත්මිය කැලණිය විශ්ව විද්යාලයේ කලා විශේෂවේදී උපාධිධාරිනියක වන අතර කොළඹ විශ්ව විද්යාලයේ සේවා කළමණාකරණය පිළිබඳ පශ්චාත් උපාධිධාරිනියකි. ඇය මිළාගිරිය , කොළඹ ශාන්ත පාවුළු බාලිකා විද්යාලයේ ආදි ශිෂ්යාවකි.
පුත්තලම දිස්ත්රික්කයෙහි අතිරේක දිස්ත්රික් ලේකම් තනතුරට කාන්තා නිලධාරිනියක් පැමිණි ප්රථම අවස්ථාව මෙය වේ.
පුත්තලම දිස්ත්රික් ලේකම් කාර්යාලයේ නව අතිරේක දිස්ත්රික් ලේකම් (පාලන) ප්රබුදිකා එස් බණ්ඩාර මහත්මියට දිස්ත්රික් ලේකම් එච්.එම්.එස්.පි.හේරත් මහතා ඇතුළු කාර්යාලීය නිලධාරීන්ගේ සහ ප්රාදේශීය ලේකම්වරු ඇතුළු රාජ්ය නිලධාරීන්ගේ සුභපැතුම් පිරිනමමු.
